August 23, 2023 : Tukin zing dar 10 vel khan Bairabi atanga Sihhmui-a rel luhna tur kawng tur Lei dawh chu a chim a, Lei dawh chim hian hnathawk mi 40 vel a chimpui niin hriat a ni.
Sairang Khawtlang chu lei chim hmanrua leh hliam te buaipui turin an inko khawm nghal a, he thu buatsaih lai thleng hian thi leh hliam zat a la hriat theih a ni lo a, Rail kawng siama-a hnathawk vai te chuan lei chungah hian Mi 30/40 vel an awm niin an sawi ve bawk a, mi pahnih vel chu an dam mai thei niin an sawi. Mi 10 velin nunna an chan tawh niin hriat a ni bawk.
Bungrua leh ruang te buaipui tur hian Sairang Dinthar lam atanga kal a awlsam ber tur thu Sairang Branch YMA Secretary chuan thuchhuah a siamah a tarlang.
Bairabi leh Sairang inkara Rel kawng siam hna hi Nothern Frontier Railway (NRF) te thawh a ni a, Rel kawng thui zawng hi 51.35Km a thui niin, kumin 2023 December thla hian zawh fel hman tura tih a ni.
Bairabi leh Sairang inkar Rel kawng siam tura lei dawh thenkhat hi a sang hlawm hle a, Pier 4 (lei dotu ban) a Lei (bridge) 196 hi a sangber niin, a ban bulthut, Kurung lui atanga tehin 115 Mts. laia sang a ni a, kum 2021 khan a foundation khawih tan a ni.
Post a Comment