August 30, 2023 (Rauthla) : Zoram Unity Mall chu Muanna Vengah sa turin buatsaih mek a ni a. Central Sorkar Finance Ministry aṭangin Mizoram sorkarin SASCI Part-VI 2023-24 hnuaiah Unity Mall atan Rs. 127 Crs Allocation a nei tawh.
Chief Minister Pu Zoramthanga'n a IG page-a a tarlan danin, Unity Mall sakna tur hmunhma hi June 29, 2023 khan CM hoin Tourism Minister Pu Pu Robert Romawia Royte leh Official dangte, khawtlang hruaitute nen enfiah tawh a ni. CM chuan mipui tana ṭangkai thei ang bera hman tum niin, he Mall sak tur hi Tourism leh mahni kutkawiha eizawngte hmasawnna tur atan leh inpumkhatna atan ruahman niin Zo Hnam inpumkhatna leh insuihkhawmna atan pawh ṭangkai tak tur a ni ang, a ti.
Unity Mall-ah Hotel nuam leh changkang tak te, Food Court, Conference Room, Zo hnam chi peng hrang hrangte pual dawr leh Mizoram District zawng zawng puala dawr te, India ram State leh UT hrang hrangte pual dawrte a awm dawn bakah sumdawnna dawr dang chi hrang hrang a awm thei dawn bawk a. Mizo ṭhalaite leh naupangte tan pawh intihhlimna hmun nuam tak te, khualzinte thlenna leh inhnangfakna hmunpui tur te, Hall nuam tak leh Event lian buatsaih theihna tura duan a ni bawk.
Post a Comment