August 30, 2023 (Rauthla) : Vawiin khan District Institute of Education & Training (DIET) Lawngtlai chuan Graduation Day an hmang a, he hun hi Pu Andrew Laltlanzara EM i/c M/S, LADC in khuallian niin a hmanpui.
Khuallian Pu. Andrew Laltlanzara chuan zirna chuan tawp chin a nei lova, kan pian ni aṭang kan thih ni thlenga inzir tur kan ni tih inhre rengin, chumi hriaa inzir rengte chuan khawvel hmachhawn dan an thiam a, rawn tlak leh chhawr tlak an ni thin tih sawiin, 'In zirlaibu zir zawhte pawh khup mai lovin, hmalam hun atan inzir chhunzawm zel rawh u' a ti.
Vawiin Graduation Day-ah hian PSTE 2021 - 2023 (Sixth Batch) zirlai 42 te aṭangin 36 ten tha takin an Graduate a. Graduate chhuak zirlai tithate hnenah Certificate hlanna Pu A. Zaithanga, Secretary, LADC (BSE), Pi Vanbawithasung Chinzah, Dy. EEO (M/S), LADC leh Pu Lalṭanpuia, Addl. DPC Samagra Shiksha ten an nei bawk.
Graduation Day hi DIET Hall, Thingkahah neih a ni a, Pi Ngurhmingliani Chinzah, Principal, DIET chuan kalkhawmte hnenah lawmthu sawina hun a hmang bawk.
Post a Comment