Lawngtlai, Augiust 8, 2023 : Vawiin khan Lawngtlai SP thar Pu R. Lokeshwaran, IPS chuan Mizoram Journalists' Association Lawngtlai District hruaitute a Office Chamber ah lengah sawmin, inhmelhriatna thingpui a inpui a, inkawmhona an nei.
Lawngtlai SP, Pu R. Lokeshwaran chuan Lawngtlai chu nuam a tih thu leh hmun nuam leh mawi tak, a michengte pawh hawihhawm, hlim hmelpu an ni tih sawiin, thinlung takin Lawngtlai chu nuam a tih thu a sawi. Lawngtlai Police ten mipui tana hna an thawhnaah an thatichak turin District mipuite thawhpuiah sawmin, Chanchinbumite chu Police tha tichaktura hmanraw tangkai tak an nih vangin thawhhona thatak nena kal a duh tih a sawi.
Lawngtlai District MJA ten rawtna hrang hrang an thlente a theih chin chinah lo bawhzui a tum thu Lawngtlai SP chuan sawiin, thubuai leh pawikhawihna lian, ram mipui ngaihven nasat zual bikah te, Press Conference hmang tangkaitura an ngenna pawh SP chuan hetiangang tihngai a awm a nih chuan tih ngei a tum thu a sawi.
Lawngtlai District Police indaihlohnate, Lawngtlai Traffic Police tlem lutuk chungchang MJA ten an sawi chu a theih ang angin sutkian a nih theih nan hmalakna kalpui a nih thu Lawngtlai SP chuan a sawi.
He inkawmhonaah hian Lawngtlai SP hi Additional SP Pu C. Lalruatkima'n a tawiawma, MJA te hi an President Pu Lalngheta Ralte chuan hovin, MJA te chuan Lawngtlai SP in an dinhmun pawimawhna hria a, inkawmhona tha tak a buatsaih chu lawmawm an tih thu an sawi.
Lawngtlai SP Pu R. Lokeshwaran hian July 17, 2023 khan a hna a zawm a ni.
Post a Comment