August 5, 2023 (Rauthla) : LIKBKTP hnuaia Ruihhlo do campaign kalpui tura Committee din, Amos Operation Team leh Education & Human Resources Department (MS) LADC ten ruihhlo do chungchanga thawhdunna (MoU) an ziak bawhzui nimin khan LADC hnuaia Middle School, Southern Standard Middle School, College Veng leh Chandmary Comprehensive English School zirlai te tan Chandmary Inpuiah Ruihhlo ṭhat lohna inzirtirna (Awareness Campaign) neih a ni.
Pu Andrew Laltlanzara, Executive Member, Education & Human Resources Department (MS) LADC leh Pu F. Lalhmachhuana, Elementary Education Officer (MS) LADC leh an staff ten he Awareness Campaign hi hmanpuiin, Pu Andrew Laltlanzara, Executive Member chuan thusawiin,, ruihhlo laka fihlim turin School naupangte a chah.
Awareness Campaign hi hun hnih ah then niin, Resource Person Tv. R. Lalnunchama leh Nl. Marina Lalrintluangi Amos Opeartion Team te hnen aṭangin power point hmangin ruihhlo that lohna zirtirna pek a ni. School naupang kalkhawm te hi ruihhlo ti lo tura intiamna neih tir niin, gift pek vek an ni. Awareness Campaign ah hian School naupangte leh zirtirtute te pawh an kal ṭha hle.
He hun hi Rbt. Zomuanpuia, Convener, Amos Opeation Team-in kaihruaiin, Rev. K. Lalchamliana Lai, Chiarman LIKBKTP in hunserh a hmang a, Nl. A. Lalawmpuii (Awmawmi) LIKBK College Veng Unit Thalai Pawl hnen aṭangin Pathian fakna hla mawi tak ngaihthlak a ni.
Post a Comment