Lawngtlai, Aug. 10, 2023 : Vawiin khan Lawngtlai District-a National Deworming Day 2023 hawnna pui ber Lawngtlai a Model English School ah neih a ni a, he hun hi Pu Andrew Laltlanzara, EM i/c Education (MS) LADC chuan khuallian niin hmanpui.
Khuallian chuan India ramin hmasawnna kawng a zawh mek a, hetih lai hian a chhunga cheng mipui ten hriselna kawngah leh thianghlimna kawngah hmasawnna kan neih a tul a. Taksa ei chhe thei rulhut chu kawng hrang hranga mihringte hmasawnna tithuanawptu a ni a, mithiamte kaihhruaina a rulhut hlo ei chu ngaihpawimawh a tul a ni, a ti.
He hun hi District Hospital Lawngtlaia Sr. Medical Officer, Dr. S. Thaizi chuan kaihruaiin, Social Welfare hnuai atangin Hmeichhia te chunga hleihlenna chungchang inzirtirna neih a ni bawk.
Lawngtlai District-ah naupang Rulhut hlo pek tur Health Department in a chhinchhiah zat chu naupang 68186 niin, heng zinga 32568 chu Sorkar School a kai niin, 18081 chu Private School naupang an ni a, Anganwadi naupang 15081 awmin, Anganwadi a la lut lo, leh School kai lo 2476 an awm bawk.
Post a Comment