August 10, 2023 (Rauthla) : Parliament Session neih mekah vawiin chawhnu khan Rajya Sabha MP Pu K. Vanlalvena chuan Manipur buaina chungchang sawichhuakin Manipur tribal-te hi Myanmar mi an ni lo tih a au chhuahpui.
MP (RS) Pu K. Vanlalvena chuan thu a sawinaah Union Home Minister-in Manipur Tribal-te chu Myanmar mi an ni tia sawiah puhin, Manipur tribal-te chu Myanmar mi an ni lo va, British lo luh hmain kum 200 he ramah hian an lo awm tawh a, India Independence hmain rei tak an awm tawh, a ti a. Myanmar mi emaw, foreigner emaw an ni lo tih a sawi.
Pu K. Vanlalvena chuan biak in 300 hal hi Communist ramah pawh thleng ngai lo World record thar a nih thu a sawi a. Mizoram MP, Tribal MP a nih thu au chhuahpuiin "North East tlangram hi kan ta a ni a, humhalh turin hlauh kan nei lo" a ti.
Post a Comment