July 5, 2023 (Rauthla) : CYLA chuan Bangladesh ramchhung a ralmuan loh avanga kan ram chhunga Bawm unaute raltlana lo kalte chu CYLA chuan an theihna sang berin hmangaih leh duat takin an lo dawngsawng reng a ni, an ti.
Hetih lai hian Bangladesh atanga raltlan lo kal te zingah ralthuam keng pawl inzep telin kan ram leh hnam himna leh muanna tichhe thei zawnga khawsain ralthuam tawlh leh chelek inzirtirna te pawh a awm an ti a. CYLA chuan June 26, 2023 khan Chamdur 'P' ah Improvised Explosive Device (IED) pawh test nia hriat a ni, an ti.
CYLA chuan hei hi tha an ti lo tih sawiin, raltlan leh tualchhung mi hrim hrim ralthuam leh ruihhlo kaihhnawiha inhnamhnawih lo turin a hriattir a, inhnamhnawih lui an hriat chhuahte chu ram leh hnam, mipui him nan dan angin an chungah hmalak an tum bawk tih vawiina thuchhuah an siamah an tarlang.
CYLA chuan raltlan zingah therhlo uma pawl danga inlet tura sawmna vauna a awm tih an hriat thu an sawi a. Lairam chhunga NGO dangte pawhin hei hi chingzui lo tur leh sim nghal turin an hriattir nghal bawk.
Post a Comment