July 5, 2023 (Rauthla) : AIFF Senior Player of the Year (Men) atana thlan leh SAFF Cup 2023 a India champion puitu Lallianzuala Chhangte (Mumbai City & Indian National Player) chuan vawiin khan Mizoram a lo thleng a, Lengpui Airport-ah Mizoram Football Association chuan lo hmuakin lawmpuina leh chawimawina thilpek an hlan.
Lunglei tlangval Lallianzuala Chhangte chuan AIFF Player of the year leh SAFF Cup champion lawmpuina thilpek MFA-in an pe chu thinglung takin a lawm tih a sawi a. Mizoram mipuiin amah an thlawpnate, an tawngtai sak thin na te avangin mizo mipuite chungah lawmthu a sawi bawk a, hmabak tam tak ala awm tih sawiin, tawngtaipui zel turin mizo mipuite a ngen nghal tih a sawi bawk. LZ Chhangte chuan 'a tir atanga bul min tanpuia, tun thlenga theihtawp chhuaha min thlawpa min fuih rengtu Lunglei District FA chungah ka lawm em em bawk a ni' a ti.
Post a Comment