July 3, 2023, Sangau : Lai Students' Association Sub-Headquarters, Sangau chuan Gov't Blue Mountain High School Sangau headmaster sorkarin a sawn chhuah tak dah let tura an phutna leh Teaching staff leh Non Teaching staff post ruak te hnawhkhat tura Sorkar an nawrna chu chhunzawm zelin vawiin khan Sangaua zirna in leh sorkar office pawimawh te an dang.
LSA Sub-Headquarters, Sangau huaihawta sorkar office leh zirna in danah hian Sangau khaw chhunga zirlai 370 vel an thawk chhuak a, Sorkar office lian zual zingah Rural Bank, Sangau Branch, BDO leh SDO office, LADC hrang hrang, Revenue & Settlement Office leh EF&CC office te bakah school 13 te an dang a ni.
LSA Sub-Headquarters, Sangau President B. Laldinliana chuan sorkara an thilphutte hi LSA Jt. Hqrs. Aizawl ten Aizawlah an buaipui mek a, sorkar hotute dawrin vawiin tlai lam hian an hmalakna hriat theih an in beisei thu a sawi a, sorkar atanga thu lawmawm an hriat loh chuan naktuk hian zirna in leh school an dan chhunzawm bakah kawng zawh an huaihawt dawn tih an sawi bawk.
Post a Comment