July 4, 2023 (Rauthla) : Lai Students' Association Sub-Headquarters, Sangau chuan Gov't Blue Mountain High School Sangau headmaster sorkarin a sawn chhuah tak dah let tura an phutna leh Teaching staff leh Non Teaching staff post ruak te hnawhkhat tura Sorkar an nawrna chu chhunzawm zelin nimin khan Sangaua zirna in leh sorkar office pawimawh te an dang. Sorkar lam atanga thu lawmawm an hriat loh avangin vawiin lam khan office leh zirna in dan leh kawngzawh huaihawt an tum a, Sangau khawtlangin chhiat an tawh avangin kawngzawh hi an huaihawt thei lova, office leh zirna in te chu dan leh a ni.
Nimin lam khan LSA Sub-Hqrs. Sangau aiawhin LSA Jt. Hqrs. Aizawl hruaitu ten School Education Minister Pu Lalchhandama Ralte chu a office ah an hmu a, Minister chhan danah lungawina an hmuh loh avangin LSA Sub-Hqrs. Sangau te hian an nawrhna hi kaltlangpui zel an tum a. Naktukah pawh hian office leh zirna in dan leh kawngzawh huaihawt an tum a. Hetih lai hian LSA Sub-Hqrs. Sangau President B. Laldinliana sawi danin, zaninah Lawngtlai East bialtu MLA an dawr dawn a, an indawr danin an hmalak zel dan tur pawh a hril dawn a ni.
Post a Comment