July 4, 2023 (Lawngtlai) : Lai Autonomous District Council-a Agriculture department changtu EM Pu Lalropuia Chinzah in vawiin khan beneficiary thlan chhuahte hnenah Kuhva tiak a sem chhuak.
Kuhva tiak semna hunah hian Pu Lalropuia Chinzah chuan LADC Agriculture Department chuan kuthnathawktute chu a theih ang angin dinhmun tha zawka an din theih nan theih tawp a chhuahpui thin tih sawiin, tanpui an ngaihna leh an mamawh te a theih ang anga pek leh kaihhruaina lamah pawh theih tawpin hma lak zel an tum dawn tih a sawi.
LADC a Agriculture department EM chuan nikum 2022-2023 a tang khan One Village One Crop Policy neiin he policy ang hian hma an la chhunzawm zel tih sawiin, nikum 2022-2023 chhung khan Balhla ching turin khaw sawm (10) thlan chhuah a ni a, beneficiaries 200 te hnenah balhla chi bul 50,000 (Singnga) sem chhuah tawh niin, kumin 2023-2024 chhung hian Kuva tiak bul 40,000 (Singli) beneficiaries thlan chhuahte hnenah an sem leh mek thu a sawi a. "he kan hmalakna hi beneficiary-te pawhin tha an ti a, an hlawkpui hle dawn a an hriat thu an sawi bawk a ni" a ti.
Pu C. Lalmuanvela, DCAO LADC department anga hma an lakna kawngah Pu Lalropuia Chinzah EM chu a fakawm hle tih sawiin, Department tan hian a ngaihtuahna leh rilru a seng nasain, thawktute nen thawhhona tha tak nen hma kan la ho zel dawn a ni, a ti bawk.
Post a Comment