July 19, 2023 (Rauthla) : Gov't Blue Mountain High School, Sangau headmaster sawn chhuah avang leh thawktu dang indaihlohna avanga Lai Student's Association Sub-Hqrs. Sangau ten June 26, 2023 atanga lungawilohna an lantir chungchangah July 6, 2023 khan Sangau khawtlang hruaitu (All NGO leh VC) ten Lawngtlai East bialtu MLA Pu H. Biakzauva kawmin Mizoram sorkarin teachers recruitment a neih leh hmasak ber turah GBMHS ah hian zirtirtu pakhat tal dah a nih theih nan hmalak nise, tiin thu an titlu a. Zirtirtu nghet an neih hmain Mathematics zirtirtu leh LDC te sorkarin a rawihsak ang, tiin thutlukna an siam a. Lungawilohna an lantir pawh tihtawp a ni.
Gov't Blue Mountain High School, Sangau-ah hian Mathematics zirtirtu leh LDC te hi dah an la ni lova, hei hi a chhan chu sikul hrang hrangah first terminal exam neih lai a ni a, exam zawh hian Mathematics zirtirtu leh LDC te hi an neih a beisei thu LSA Sub-Hqrs. Sangau President chuan a sawi a. DEO office, Lawngtlai lamah pawh hemi chungchanga lehkha pawimawhte tihfel a ni tawh nia a hriat thu a sawi bawk.
Gov't Blue Mountain High School, Sangau headmaster kal chhuak ta Pu K. Denghmingliana leh headmaster thar Pu KC. Suiawrha te pawhin an hna an zawm ve ve tawh a ni.
Post a Comment