LIKBKTP Central Amos Operation Team ten ruihhlo dona kawnga hma an lakna an kalpui mek

July 19, 2023 (Rauthla) : Lairam Isua Krista Baptist Kohhran Thalai Pawl (LIKBKTP) in ruihhlo do beihpui thlak campaign an kalpuina tura hmala tura a din Amos Operation team te chuan tunlai hian an hmalakna kal zelah Kohhran hrang hrangah training an nei mek.

Nizan khan Central Thalai Pawl Amos Operation Team te hian Central Zone Unit Amos Operation Team te Training an pe a. AOC Bial leh Vengpui Bial te tan Bethlehem Kohhran Hall-ah training neih a ni a, Rbt. ST. Ramhmachhuanmawia, Asst, Secretary  leh Nl. Rebek Laldawmdingi, Central Amos Operation Team Member ten Training an pe.

College Veng Kohhran Hall-ah College Veng Bial leh Mampui Bial tan training neih a ni a,  Nl. Rosalyn Laldinpuii, Central Amos Operation Team Member leh Pu Jonathan H. Lalrempuia, Central Amos Operation Team Member ten training an pe.

Centre Church, Bazar Kohhran Hall-ah Bazar Bial leh Chandmary bial te training pek an ni a, Resource person-ah Nl. H. Lalhlimawmi, Central Amos Operation Team Member leh Tv. R. Lalnunchama, Central Amos Operation Team Member te hman an ni.

LIKBKTP te hian an rorel inkhawmpuiah tunlai thalai zinga ruihhlo hluar lutuk laka thalaite kan him theihna turin Ruihhlo do campaign kalpui nise, an ti a. Chumi bawhzuina kal zelah Central Amos Operation Team din niin, hmalakna kalpui chhoh mek a ni a. Amos Operation Team hi LIKBKTP hnuaia unit tinah din a ni bawk.