June 27, 2023, M. Kawnpui : Vawiin, June 27, 2023 khan Pu V. Zirsanga, CEM LADC chuan M. Kawnpuiah Revenue & Settlement Office, M. Kawnpui Division, LADC a hawng.
Revenue & Settlement Office, M. Kawnpui Division hawnna inkhawm bialtu MDC Pu N. Zangura kaihhruaiah office hawngtu Pu V. Zirsanga, CEM LADC chuan Land Revenue & Settlement Office, M. Kawnpui Division hawn a ni chu lawmawm a tih thusawiin, M. Kawnpui khua leh a chhehvel khua ten tangkai taka an chhawr a duh thu a sawi. CEM chuan hetiang ram leh hnam rotling office kan neih avang hian a buaipuitu hnenah lawmthu kan sawi tur a ni, a ti a. Ram leh hnam chhan nan hriatna leh thiamna a pawimawh tih sawiin, sorkar hna avang tulh tulh a, sorkar hnain min daih vek lo, hetah tak hian eng kawng pawh zawh dawn ila, hriatna leh thiam kan neih a tul a ni, a ti.
CEM chuan sorkar tha a awm theihna turin mipui ten sorkar kan thawhpui that a ngai a ni, a ti a. Tax pek that chu khua leh tui tha nihna a nih thu a sawi. Sorkarin sum thahnem tak a nei lova, a tahtawl te tein hmasawnna hna pawh thawh a ngai a, tuna office atan a kan luah mek VC House pawh hi kan luah rei dawn lova, office leh quarter pawh kan sa thuai ang, a ti.
Pu V. Zirsanga chuan tunlaiah politic kan lak dan hi a chhe em em a, party dang leh kan khingpuite sawi chhiat vak vak kan ching a, hei hi a tha lo hle. Politic lo chuan ram a kal thei lova, Lawngtlai West bial mipui ten tuna kan dinhmun hi kan hriat chian a ngai a. Politic ah lei rem kan rah loh chuan he bial hian hma a sawn ngai dawn lo, Mizoram politic dinhmun thlir chungin thutlukna kan siam a ngai a ni, a ti.
CEM chuan LADC a department hrang hrangah kum 20 hmalam record hmuh tur avang hle. M. Kawnpui office a thawkte chuan engkim record felfai tak in neih ka beisei, a ti.
He huna thusawitu dang Pu C. Hrangthianga, EM Land Revenue & Seettlement department, LADC chuan M. Kawnpui Division-in western area khua 10 a cover dawn tih sawiin, western area-ah hian division 5 awmin, khaw 53 an cover mek a ni. Pu C. Hrangthianga chuan Pu V. Zirsanga kaihhruai LADC sorkar hian Lawngtlai West bial hi a vei hle a, in hmasawnna tur tam tak a ngaihtuah a, hmasawnna tam tak pawh kan hmu mek. Nasa zawka hmasawnna in neih zel theih nan duhthlanna dik in siam a ngai a. LADC a MNF sorkar thawhpui thei MLA kan neih a ngai a ni, a ti.
He hunah hian LADC Chairman Pu VL. Hmuaka leh LADC Executive Secretary Pu H. Lalruatkima ten thu an sawi bawk.
CEM Pu V. Zirsanga hi LADC Chairman Pu VL. Hmuaka, Agriculture department EM Pu Lalropuia Chinzah, Education department (MS) EM Pu Andrew Laltlanzara, Land Revenue & Settlement department EM Pu H. Hrangthianga, Social Welfare department EM Pu JB. Vanhoy, LAD EM Pu C. Rongura, Adviser to CEM Pu N. Zangura, Education department (PS) EM Pu L. Daniela, Deputy Chief Whip Pu H. Lalmuansanga, Vice Chairman Planning Committee Pu Tuturu Singh, Art & Culture department EM Pu BN. Thangpuia, RD EM Pu Lallawmsanga Apetow, Political Adviser to CEM Pu LN. Lalhmachhuana te, Pu Lalzahawma Chinzah, President, MNF Disr. Hqrs. Lawngtlai leh a thawhpui thahnem takin an tawiawm a. LADC official atangin Pu H. Lalruatkima, ES, Pu K. Lalthanzara, SRO, Pu V. Vanlianhrin, P&DO te an tel bawk.
Revenue & Settlement Office, M. Kawnpui Division-ah hian khawktu hi Revenue Officer pakhat, 4th Grade pakhat, LDC pahnih leh CS-II pakhat an awm mek.
Post a Comment