May 2, 2023 (Rauthla) : I&PR Minister Pu Lalruatkima chuan Zirtirtu ten theihtawp an chhuahna chu zirlai ten taimakna, tumruhna in an chhang let tur a ni tih vawiina K.M High School zirlai leh zirtirtu te tlawhnaah a sawi.
Minister chuan tun hma atangin KM High School atanga zirchhuak, ram pum huapa mi chhuanawm tak tak leh Zoram ti hming tha tu an lo awm teuh tawh a, KM High School hi Aizawl tlak lam ti mawi tu vawiin ni thlengin a ni a ti a. School tha tehna pakhat chu result ni mah se, tehna dang matric result bakah zirlaite kal zelna turah hian, eng kawngah pawh ni se mi puitling ram tana mi chhenfakawm engzatnge chhuak tih hi chhut fo a tha a tih thu a sawi bawk.
Minister chuan Khawvel changkanna kal zelah hian a thei thei dinchhuahna khawvel a ni tih hre reng turin leh mi te theihna leh thiamna chawimawi a, midang fak phu te fak mai hi lehkhathiam zia a ni a ti a. Article 275 tlawh chhana hmasawnna chi hrang hrang awm theiah KM High School Building sakna tur bawhzui a nih tur thu a sawi bawk.
K.M High School- ah hian tun dinhmunah zirlai 271, zirtirtu 15 leh staff engemaw zat nan awm mek.
Post a Comment