May 2, 2023 (Rauthla) : DIET-a thawkte, Association of Mizoram DIET Employees chuan an service chungchangah harsatna hrang hrang an tawh avang leh thla 6 chhung hlawh an lak tawh loh avangin nimin atangin an chawl a, Ei tur thawh chhuah a ngaih avangin an hna pangngai an thawk thei rih lo tih an tarlang.

Association of Mizoram DIET Employee thuchhuah tarlan danin an service chung changah harsatna hrang hrang an tawh bakah thla ruk chhung zet hlawh an la tawhlo an ti a, Mizoram sorkarin an hlawh tur atana a tum ve tur State Matching Share a pek theih loh avangin thawktu ten an eitur ngaihtuah an ngai a, hna an thawk thei tawhlo tih an sawi a, hemi chungchanga an harsatnate chu Mizoram mipuiten hrethiam turin an ngen tih an tarlang bawk.

AMDE  chuan DIET hnuaia thawktute hlawh tur chu Central Sorkar in zaa 60 leh State Sorkarin zaa 40 a tum thin an ti a. State-in a tum ve tur 40% chu State Budget-ah dah a nih ngai loh avangin Central-in a rawn tum thin chu hman zawh a nih hnuah an hlawh ah harsatna an tawk ngei ngei thin an ti a, he harsatna sukiang turin leh State Budget-a State in a tum tur chin chu dah luh ve an duh tih an sawi bawk.

AMDE  thuchhuah chuan Para-Academic Staff post engemaw zat kum 2021 atanga Central-in an hlawh a rawn pek tawh loh te, tun thlenga an dinhmun chinfela a la awm lo chu a rang thei ang bera an dinhmun chinfel ni se an ti bawk. 

Post a Comment

Powered by Blogger.