May 2, 2023 (Rauthla) : Mizoram University Vice Chancellor thar Prof. Dibakar Chandra Deka chuan vawiin khan Raj Bhavan-ah Governor Dr Hari Babu Kambhampati a kawm.
Prof. Dibakar Chandra Deka chuan Governor hnenah a mimal chanchin, zirna lam leh zirtirna huanga a tawn leh hriat te hriattirin, Mizoram University, India ram University zinga la naupang fal tak leh thang duang takah hotulu ber mawhphurhna a chang tur chu phurawm tih a sawi bawk a ni.
Prof Deka chuan tun dinhmuna MZU hlawhtlinna chu tuna thawk mek te leh hotu hmasa te thawhrimna leh inpekna a ni a ti a. MZU in hma a sawn leh zual na tura thil pawimawh leh hmalakna kalpui hmasak tura a pawimawh deuh nia a hriat te Governor chu a sawi pui bawk a ni.
Post a Comment