May 15, 2023 (Rauthla) : Rengkashya biala BJP Candidate tualthihna avanga helai biala Chakma Autonomous District Council inthlanna sawn hlat a nih hnuin May 17, 2023 hian inthlanna buatsaih a ni dawn a, 15-Rengkashya biala inthlanna neih tur a tan vawiin chhunlai thleng khan chuh tumte in hnuhdawh theihna hun hawn a ni a, Party aiawh hming pelutte in hnukdawk an awm lo. MNF Candidate Pu Prema Ranjan Chakma, INC Candidate Doymoy Daveng Chakma leh BJP Party Candidate Pu Sukrity Chakma te chuan he bial hi an chuh dawn a ni.
15-Rengkashya Constituency ah hian Polling Station pathum awmin, 15/1-Rengkhasya Polling Station ah voter 618 a awm a, 15/2-Futsury polling Station ah voter 478 awmin, 15/3-Lokhisury Polling Station ah Voter 315 a awm bawk. Bial pumpuiah voter hmeichhia 782 leh mipa 659 awmin, vote awm zawng zawngin hi 1411 a ni. May ni 4 zana mi kut tuara boral ta Pu Amit Kumar Chakma chuan he bial hi term hnih chhung a lo enkawl tawh a ni.
Naktuk hian Rengkashya biala Polling Station pathum a duty turte tirh chhuah an ni ang.
Post a Comment