May 24, 2023 (Rauthla) : Nimin khan YLA New Vengpui Branch te chuan Lawngtlai District Football Association te buatsaih LADC CEM Trophy 2023 Football Tournament a Champion an nihna chu lawmin zanriah an kilho.
Champion lawmna inkhawm hi Pu K. Zosangzuala, President YLA New Vengpui Branch in kaihruaiin, Pu K. Zosangzuala chuan "veng naupangte kan ni a, thawhhona tha tak karah Football Champion kan ni hi a lawmawm hle a. He dinhmun kan din theihna tura mi inpe te chungah lawmthu ka sawi a ni" a ti.
Pu VL. Hmuaka, Chairman LADC leh Lawngtlai Vengpui Bialtu MDC ni bawk chuan he hun hi hman puiin Champion lawmna atan Rs. 5,000 a hlan.
Pu VL. Hmuaka chuan, Thalaite’n infiamna kawnga hma kan sawn theihna tur chuan insumtheihna kan neih a ngai a. Kan thatlai hun, vanglai hun hi hmang thiam ila, infiamna kawnga kan hlawhtlin theihna tur chuan kan tun hun kan hman that a, thuawina nun nen theihtawp kan chhuah a ngai ani, a ti a. Club pakhat ti hmingtha tu mai ni lova, Lawngtlai District ti hmingtha a, a aia sang zawk ban tum a tan la thar turin a fuih.
He hun hi Veng chhung NGO te, VC te, LDFA hruaitute leh Joseph Lalhmingthanga, GS Central YLA ten an telpui a ni.
Post a Comment