May 24, 2023 (Rauthla) : Union Minister of State for External Affairs & Culture, Govt. of India Meenakashi Lekhi chuan vawiin khan Mamit tlawhin DC Conference Hall-ah Mamit khawpui chhunga Sorkar hotute meeting a neihpui.
Minister chuan Sorkar hnathawk, Aspirational District, Mamit-a awmte rilru puthmang chu mipui hmasawnna a ni tur a ni tiin mipui ta kan nih angin ram leh mipuite tana theihtawpchhuaha hna thawk thin tur leh mipuite mamawh hriat tuma rang taka chet la thin turin a chah.
Meenakashi Lekhi chuan Mamit chu Plastic bawlhhlawh sawngbawl chungchangah fakawm a tih thu sawiin an rawn kalna kawngah Plastic waste paih mai mai hmuh tur a tlem chu thil lawmawm tak a ni a ti.
Minister Meenakashi Lekhi hnenah hian Mamit-a Sorkar Official te chuan Mamit District chhunga harsatna hrang hrang, Health Services, tui harsatna, zirna lam bakah kawng hrang hranga harsatna an neihte thlenin, Minister chuan heng harsatna te hi sutkian a nih theih nan thuneitute hnena a thlen tur thu a sawi.
Post a Comment