May 23, 2023 (Rauthla) : Deputy Speaker Pu H. Biakzaua leh Lawngtlai East Bialtu MLA ni bawk chuan vawiin khan a bial chhung atanga kumin Higher Secondary School Leaving Certificate (HSSLC) exam-a tithate (Top-10) chu a pisa-ah lawmpuina neiin thilpek a hlan.
Deputy Speaker chuan zirna chu hmasawnna bul a ni a, thiamna tak tak neih a pawimawh a ni, ati a. Degree nei satliah a tawk lo a, ram leh hnam tana chhawrtlak; mimal, chhungkua leh khawtlang khaichhuaktu ni tura thiamna tak tak pawchhuaktu ni turin zirlaite chu a fuih a. Social media hman kawngah chin tawk hriat a ngai hle a, tunlai khawvela tangkai em em, a tha lo zawnga hman erawh chuan rilru hruai sual thei niin zirna a tibuai thei a ni, a ti a. Socia media hmang fimkhur turin zirlaite a chah.
Lawngtlai East AC atanga HSSLC tithate lawmpuina programme-ah hian Pu H. Biakzaua chuan hlawhtlinna changte chu lawmpui nan laptop a hlan theuh a ni.
Vawiina zirlai chawimawite chu:
1) Hmingthanzami, 4th position in Science, College veng, Lawngtlai.
2) H. Vanlalrini, 6th position in Commerce, Council veng, Lawngtlai.
3) Ruthi Lalengzuali, 7th position in Arts, Council veng, Lawngtlai
Post a Comment