Chief Minister chuan, badminton ah Mizo te potential an a, training tha tak nen chuan khawvel pum huap pawh a la inhlangchho thei tam tak an awm ka ring, a ti a. Heng potential te hi haichhuah a tihchak chu sawrkar pawhin a ngaihpawimawh thu a sawi bawk.
Pu Gopichand chuan Mizoram badminton player te chu talent nei tha a tih thu sawiin Tata Trusts, NEIDA leh Mizoram Badminton Association hmalakna chu fakawm a tih bawk a. Mizorama badminton tihhmasawn tura thawhhona neih mek, Pullela Gopichand Badminton Academy (PGBA) technical partner a nihna - Mizoram Badminton Initiative hmalakna hnuaiah First Phase ah Junior National Champion an awm der tawh thu a sawi a. Hemi kal zelah hian PBGA chuan investment a pek zat chu belhchhahin, Mizoramah palyer 15 kum 10 - 14 inkar chu training ngawrh tak pek tum a nih thu a leh training kalpui dan tur kimchang tak Chief Minister hi a sawipui a ni.
Heng bakah hian Regional Development Centres (RDCs) tihchangtlun te, coach te hmasawn belh zelna tura hmalak te hmachhawp an neih dan a sawi a. Kotak CSR fund bultumin player naupang zawk ten full-time scholarship an neih theih hialna tura hmalakna a nih thu an sawi.
Heng bakah hian Chief Minister bulah High Altitude Training Centre siam a nih theih nan sawrkar hmalakpuina an ngen a. Chief Minister pawhin ruahmanna fel siam ni se, player-te hmasawn zel theihna turin sawrkar pawhin a tih ve tur chin chu theihtawp a lo chhuah tur thu a sawi a ni
Post a Comment