Lawngtlai Additional Deputy Commissioner Pu Abraham Beirazi Khithie chuan kumin Remna Ni chu sawrkarin ropui taka lawm leh tura ruahmanna a siam thu a sawi a. Lawngtlaia Remna Ni lawmna tura ruahmanna hrang hrang siam kawngah leh a tihlawhtling tura bawhzui kawngah theih tawp chhuah turin member kal khawmte chu a sawm a ni.
He ṭhut khawmah hian Lai Autonomous District Council (LADC) leh sawrkar department hrang hrang hotute, VC Association, District MJA leh tlawmngai pawl hrang hrang ai awhte an tel a. State Level Committee-in Remna Ni, 2023 lawm dan tura ruahmanna a siam sa zulzuiin, Lawngtlaia Remna Ni lawmna kalpui dan tur hrang hrang an sawi ho a ni.
Remna Ni hi Lawngtlaiah chuan a lawmna pui ber chu Central YLA Hall-ah June ni 30 (Zirtawpni) zing dar 11:00-ah hman tura ruahmana siam ni a. Khuallian tur chu state sawrkar aṭanga an lo ruat tur niin, hun hman dan tur kimchang dang chu DC office lamin an duang ang.
Remna Ni, 2023 pual hian a thlawna inentirna, "free health camp" buatsaih tum niin, Lawngtlai Chief Medical Officer kutah mawhphurhna dah a ni a. UD&PA Department lamin "Muanna leh tluanna atan faina" tih thupui hmangin digital flyer leh video tawi insiamsiak bakah, faina beihpui thlak te buatsaih se, tih a ni a. Remna Ni-ah hian "Remna kawng zawh" (peace walk) pawh kalpui tura ruahman niin, Remna Ni puala a thlawna thisen pek runpui buatsaih pawh rel a ni.
Remna Ni pual hian District Education Office lamin zirlai naupangte tan quiz leh essay competition lo buatsaih se, tih a ni a. Remna Ni lawmna peng khat atan thing phun buatsaih tum ni bawkin, I&PR Department lamin Mizoram pum huapa lem ziak (painting) leh thla lak (photography) intihsiakna an buatsaihah Lawngtlai District aṭanga mi tam zawk an tel theih nan District chhungah zau taka puanzar ni se, tih a ni bawk.
He ṭhut khawmah hian Lai Autonomous District Council (LADC) leh sawrkar department hrang hrang hotute, VC Association, District MJA leh tlawmngai pawl hrang hrang ai awhte an tel a. State Level Committee-in Remna Ni, 2023 lawm dan tura ruahmanna a siam sa zulzuiin, Lawngtlaia Remna Ni lawmna kalpui dan tur hrang hrang an sawi ho a ni.
Remna Ni hi Lawngtlaiah chuan a lawmna pui ber chu Central YLA Hall-ah June ni 30 (Zirtawpni) zing dar 11:00-ah hman tura ruahmana siam ni a. Khuallian tur chu state sawrkar aṭanga an lo ruat tur niin, hun hman dan tur kimchang dang chu DC office lamin an duang ang.
Remna Ni, 2023 pual hian a thlawna inentirna, "free health camp" buatsaih tum niin, Lawngtlai Chief Medical Officer kutah mawhphurhna dah a ni a. UD&PA Department lamin "Muanna leh tluanna atan faina" tih thupui hmangin digital flyer leh video tawi insiamsiak bakah, faina beihpui thlak te buatsaih se, tih a ni a. Remna Ni-ah hian "Remna kawng zawh" (peace walk) pawh kalpui tura ruahman niin, Remna Ni puala a thlawna thisen pek runpui buatsaih pawh rel a ni.
Remna Ni pual hian District Education Office lamin zirlai naupangte tan quiz leh essay competition lo buatsaih se, tih a ni a. Remna Ni lawmna peng khat atan thing phun buatsaih tum ni bawkin, I&PR Department lamin Mizoram pum huapa lem ziak (painting) leh thla lak (photography) intihsiakna an buatsaihah Lawngtlai District aṭanga mi tam zawk an tel theih nan District chhungah zau taka puanzar ni se, tih a ni bawk.
Post a Comment