May 23, 2023 (Rauthla) : May 9, 2023 a Chakma Autonomous District Council inthlanna I-Borapansury bial atanga thlan tlin leh MNF Legislature Party Leader Pu Rasik Mohan Chakma chu CADC Chief Executive Member 24-na atan lakluh a ni dawn.
Nimin khan Mizoram sorkara District Council & Minority Affairs Department chuan Mizoram Governor-in CADC CEM atan a Pu Rasik Mohan Chakma a ruatna chu a tichhuak a. Protem Chairman atan Pu Hiranand Tongchangya ruat a ni bawk.
Vawiin khan CADC Session Hall-ah CADC inthlanna neih zawh taka MDC tlling tharte chu Protem Chairman Pu Hiranand Tongchangya hmaah rinawmna thutiam tira lakluh an ni a. May 24, 2023 (Nilaini) hian CADC Session Hall-ah Chairman thlanna neih a ni ang a, May 25, 2023 (Ningani) ah Art & Culture department Hall-ah CEM lakluhna inkhawm neih a ni ang.
CADC inthlan neih zawh takah khan MNF in seat 10 an la a, Congress leh BJP in seat 5 ve ve an la bawk. MNF Legislature Party Leader Pu Rasik Mohan Chakma chuan tunhnaiah BJP MDC 3 leh Congress MDC 4 ten MNF an zawm tih a sawi a, CEM atan a lakuh a nih hunah hian EM turte a la puan dawn loh thu a sawi bawk.
Post a Comment