May 10, 2023 (Rauthla) : Lawngtlai District Football Association buatsaihin naktuk atangin Lawngtlaiah LADC Chief Executive Member Trophy 2023 Football Tournament khelh tan a ni dawn.
May 11 - 20, 2023 chhunga CYLA Playground, Lawngtlaia khelh tur CEM Trophy 2023 Football Tournament hi inter club-a khelh a ni dawn a, he tournament hi LDFA hnuaia affiliated club ten an khel ang.
Lawngtlaia football tournament ngaihhlut hlawh ber pawl CEM Trophy 2023 Football Tournament-ah hian champion-in Rs. 50,000 bakah trophy leh medal an dawng ang a, pahnihnain Rs. 20,000 bakah medal an dawng ang a, fair play-in Rs. 10,000 an dawng bawk ang.
He tournament-ah hian Best player, Best goalkeeper leh Top scorer te thlan a ni dawn a, pawisa fai, trophy leh certificate an dawng ang.
Naktuk match hmasa ber hi tlai dar 3 ah khelh a ni dawn a. North Gate, Thingkah leh Bazar Veng FC ten an khel ang. Tunlai khaw lum lutuk avang hian inkhelh hun pawh ni dang ang lo deuhin tih danglam hret a ni a. Zing dar 7:00 leh tlai dar 3:00 ah te match hi khelh thin ani ang.
Final hi May 20, 2023 tlai dar 3 ah khelh a ni ang.
Tun Tournament hi Season Ending Tournament a ni.
Post a Comment