May 2, 2023 (Rauthla) : Premier League club Leeds United chuan an manager nilai Javi Gracia chu ban an rilruk a, a hmunah Sam Allardyce lakluh an tum.
Leeds United hi tun hnaiah an talbuai hle a, tunah hian table-ah 17-naah awm mekin, championship lamah tla maithei dinhmunah an ding mek a. Tun hnai an game nga khelhah chak ni hmel an la hmu lo vek bawk. Tuna an manager nilai Javi Gracia hi kumin February thla khan an ruai a, a ni hian game 11 enkawl tawhin vawi 3 chiah hnehna a chanpui bawk.
Premier League-a kaipuitu Marcelo Bielsa an ban hnuah an duh ang manager tha an la hmu thei lo tih a chiang a, tunah hian coach tawnhriat ngah tawh Sam Allardyce lam an hawi mek.
Leeds United hian tun inrinni hian Manchester City an hmachhawn dawn a, Newcastle, West Ham leh Tottenham te an la hmachhawn dawn bawk.
Post a Comment