Lawngtlai, May 2, 2023 : Vawiin khan Lawngtlai District chhunga agency pathum - Lairam Child Adoption Centre, Lairam Motherless Home leh Lawngtlai Observation Home te hnenah Governor's Discretionary Grant aṭangin ₹ 25,000/- theuh pek an ni.


He pawisa hi Mizoram Larsap hnen aṭanga Discretionary Grant atanga pek chhuah a ni a, Mizoram Larsap Dr Hari Babu Kambhampati aiawhin vawiin khan Lawngtlai Deputy Commissioner Office Chamber Lawngtlai Bawrhsap Pu David Lalthantluanga chuan a hlan a ni.

Lawngtlai Bawrhsap Pu David Lalthantluanga chuan Governor's Discretionary Grant aṭanga Lawngtlai District chhunga agency pathum laiin ṭanpuina an dawng chu lawmawm a tih thu a sawi a. Fahrah leh enkawltu mumal nei lo naupangte enkawlna kawnga theih tawpa hma an lak ṭhinnaah agency-te chu fakin, an hna thawh ṭha chu Lawngtlai District leh mipuite tan chhunzawm zel turin a chah a ni.

Vawiina Governor's Discretionary Fund inhlannaah hian Lairam Isua Krista Baptist Kohhran (LIKBK) pastor, Rev. TH Vanlalzauva chuan hunserh a hmang a. Lai Women Association (LWA) General Headquarters President Pi V. Lalrinkimi leh Central Young Lai Association (CYLA) President Pu HC Vanlalruatpuia te pawhin thu sawiin, Lawngtlai Sub-Divisional Officer (Sadar) Pi TT Beikhaizi chuan lawm thu sawiin hun a khar a ni.

Post a Comment

Powered by Blogger.