May 25, 2023 (Rauthla) : LADC a Land Revenue & Settlement Department chuan vawiin khan LADC Hall-ah Tax khawn thate chawimawina hun hmangin, tax khawn thate hnenah lawmman sem nghal a ni bawk.
LADC a Land Revenue & Settlement Department changtu EM Pu C. Hrangthianga chuan, kan ram leh hnam innghahna bul pakhat chu Land Revenue & Settlement Department, LADC hi a ni a, kan ram leilung enkawlna kawngah hian mawh kan phur nasa hle a ni tih kan hriat ka duh, a ti a. Thawktute chu kan ram leh hnam hum himna kawngah mawhphurhna nasa tak an nei tih hre tur leh mipui nena in ngheng reng an nih avangin, office dawr thintute pawh tha taka dawngsawng thin turin a chah.
Pu C. Hrangthianga chuan 2022- 2023 chhungin an target Nuai 66.50 chu nuai 36.12 chuangin an khum tih a sawi a, an kumthar 2023-2024 target nuai 86.50 pawh thawhhona tha tak nen theihtawp chhuaha tan an lak chuan an khum leh ngei a rin thu a sawi bawk. Pu V. Zirsanga, CEM in an department hman tur Bolero Camper a hlan chu lawmawm a tih thu sawiin, a buaipuitu Pu BN. Thangpuia, EM Transport Department leh Pu HC. Vanlalruatpuia, Transport Officer te chungah lawmthu a sawi bawk.
He hun hmanpuitu Pu BN. Thangpuia EM i/c Transport Department chuan "Tax pek that hi khua leh tui tha nihna a ni a, pek loh hi sual a ni. Lal Isua pawhin khawvel a awm lai khan a ngai pawimawh hle thin a ni, Ram leh hnam innghahna tak tak in ni tih in hriat ka duh ani" a ti.
Kum 2022-2023 chhunga tax khawn tha Sub- Hqrs. LADC Bualpui 'NG', Sangau Division LADC leh Chawngte Division LADC te hnenah Certificate leh pawisa fai chu Pu C. Hrangthianga'n a hlan.
He hun hi He hun hi Pu B. Lalhnuna, R&SO Hqrs. LADC in a kaihruai a ni.
Post a Comment