May 25, 2023 (Rauthla) : 11th Chakma Autonomous District Council chairman thar thlanna nimin, May 24, 2023 a neih tura hriattirna chhuah tawh chu cancelled niin, chairman thar thlanna hi naktuk, May 26, 2023 ah neih a ni ang.
Vawiin tlai dar 3 thleng khan chairman inthlannaa chuh tumte hming pek luh hun hawn a ni a, 18-Fultuli bial atanga thlan tlin MNF candidate Pu Kali Kumar Tongchangya chiahin hming a pe lut. Naktuka CADC Session Hall-a Chairman thlanna neih turah hun tiam chhunga chuhtu awm chhun Pu Kali Kumar Tongchangya hi CADC chairman thar atan puan niin, pawmna neih a ni ang.
Post a Comment