Lawngtlai, May ni 30, 2023 : Vawiin khan Dr. Lorrain Lalpekliana Chinzah, Chandmary Bial atanga Independent-a MDC a thlan tlin chuan LADC Sorkar-a Zoram Peolple's Movement a support tih lehkha a thehlut. Dr. Lorrain Lalpekliana Chinzah hi ZPM District Headquarters, Lawngtlai-a  Vice President, General Secretary leh hruaitu thahnem takin an tawiawm a ni.

Dr. Lorrain Lalpekliana Chinzah, MDC hian LADC Conduct & Business 2010 Rule 11, Sub Rule-5 (C) tlawhchhanin ZPM Party a support na lehkha hi a thehlut a, Lehkha LADC Chairman Pu VL. Hmuaka a awm loh avangin a aiawhin LADC Secretariat-a Secretary Pu Lianchungnunga'n a dawng a ni.

Dr. Lorrain Lalpekliana Chinzah chuan ZPM a support na chhan sawiin, Mizoram tluchhe mek siamthatna hna thawk thei turin ZPM Party Policy chu tha a tih thu sawiin, Pu Lalduhawma, Leader ZPM chu a rin tawk thu leh a kaihhruaina hnuaia Mizoram tluchhe mek siam tha a, tung ding leh tura a beisei thu a sawi a. Tin, Sorkarna lo chelh tawh Party te atangin Lairam in Direct Funding a neih theihna tura hma an lakna chuan tun dinhmun a thlenpui thu leh ZPM Party chuan Lairam-in Direct Funding a hmuh theih nan a theihtawp chhuaha hma lakpui a tum avangin ZPM Party a support tih a sawi bawk. 

Post a Comment

Powered by Blogger.