April 10, 2023 (Rauthla) : Kumin March 27 a Lawngtlai district chhung, Vaseikai leh Longpuighat inkara Tuichawng Lei, Truck ritphur-in a zawhlaia chim chu dawh that tuma hmalak mek a ni.
Truck hian kawngsiamna a hman tur lunghersawm phurin lei hi a zawh a, a lai a thlenin Lei hian zo lovin a chim ta a ni. Truck-ah hian Driver, Dashan Madei, Kum-41 s/o Dakhiram, Orissa a mi, BRTF hnuaia thawklai mek a chuang a ni. Lei chim lai hian Lei hlui thlakna tura Lei thar zawk siam hna thawk lai mek zing ami VIJ Company- a thawklai Shaikh Farid, kum-24; s/o Shirazul Hoque, Assam, Lei a hnathawk lai mek a awm chu a chimpui bawk a ni.
Vaseikai atanga thu dawn danin, he lei chim hi a bul atang tan that leh turin hmalak mek a ni a, lei chim sengkhawm turin khawl thahnem tak pawh a hmunah dah an ni tawh. Lei chim hnuah a chimna thlangah hian temporary-in inkalpawhna siam a ni a, hume pipe chungah rora chhungin, a chungah lei an chhung leh a, chumi hmang chuan Vaseikai leh Longpuighat inkar inkalpawh thin a ni.
Tuna lei chim siamthat leh tur hi hun rei tak hman tawh niin, tunah hian Lei chimna chhakah Lei hlui thlakna tur Lei thar dawh hna kalpui mek a ni a. He Lei thar tur siam hna thawh a nih mek lai hian nikum April 6, tlailam dar 5:30 bawr vel khan Lei dawh lai mek hi a lo chim tawh bawk. Lei thar zawk hi a siam chhung a rei dawn avangin lei hlui zawk hi inkalpawh nana an hman ber a ni a, lei hi siamthat a nih hnuah lei thar zawk siam chhung chu inkalpawh nan hman leh a ni ang.
Post a Comment