April 4, 2023 (Rauthla) : Chief Minister Pu Zoramthanga'n vawiina Two wheeler Taxi Association (ATTA) General Assembly vawi 5-na khuallian nia a hmanpuinaah Two wheeler taxi driver te chu ram hmel zahawmna leh tihmawi kawnga thawhtu pawimawh tak an ni, a ti.
Vanapa Hall-a hun hmannaah CM chuan Two wheeler taxi te chu khawpui chhung thang zel leh kawngpui tawt zelah mipui tan an tangkai thu a sawi a "Aizawl khawpui chu khawpui thenkhat anga a tir atanga mumal leh felfai taka duan lawk thlap a nih loh avangin sawrkar leh mi thahnemngai te'n theihtawp chhuah mahse kawng indaihlohna leh lirthei dahna parking space a tha tawk lo" a ti a. Sawrkar in PAHOSS scheme a kalpui chu hripui leng in a thlen sum indaihlohna avanga tum anga kalpui theih a nih loh thu leh, boruak ziaawm zelah parking harsatna sukiang tura sawrkar in hma a lak zel tur thu a sawi bawk.
Chief Minister chuan Mizoram chu ram entawntlak leh ram nuam a siam tur chuan hospitality lamah te hma kan sawn belh zel a tul thu sawiin, tunlaia kan ram hmelma lian ber pakhat ruihtheihthil ram thenawm atanga lo lut do chungchang a sawi tel bawk.
Repor- a a lan danin tunah hian ATTA member 2,500 an awm a ni. AMC in a duan angin two wheeler taxi stand awm zat chu 50 a ni.
Post a Comment