April 3, 2023 (Rauthla) : Kolasib-a MFA Inter-District Junior (U-17) Boys Championship 2023 khelh mekah vawiin khan semi-final match-ah Lawngtlai DFA chuan Siaha DFA chu 4-1 hnehin, final an lut a, final hi nilaini, April 5, 2023 dar 2:00pm ah khelh a ni ang a, Saitual DFA an tum ang.
Vawiina Siaha DFA nena an inkhelhah hian Lawngtlai DFA atangin Benjamin Lalhruaichhunga (43'), Rothangpuia (58'), V. Lalfamkima (65') leh Benjamin Hmingthansanga (79') ten goal an khung a, Siaha U-17 lam atangin C. Beichhuahmo-an goal khat a khung ve bawk.
Lawngtlai DFA hian Group Match-ah Khawzawl DFA 1-3 a hneh lovin, Serchhip DFA chu 7-0 a hnehin, goal difference hmangin an tlang. Quarter-final-ah Aizawl DFA chu 4-0 a hnehin, semi-final-ah Siaha DFA chu 4-1 in an hneh bawk. Rothangpuia leh V. Lalfamkima te hian goal 4 ve ve an nei tawh bawk.
Lawngtlai DFA hi R. Vanlalpeka (Coach), Lailianchhunga Chinzah (Asst. Coach) leh Edwin Lalhuliana Hlichhal (Manager) ten an enkawl a ni.
Post a Comment