Lawngtlai, April 27, 2023 : Lawngtlai Sub-Divisional Magistrate Pi TT Beikhaizi chuan vawiin khan Lawngtlai DC office aṭanga certificate pawimawh la chhuak turte hriatpuina ziahsak chungchangah heti ang hian hriattirna a chhuah.
Thuchhuahah chuan, Deputy Commissioner's Office, Lawngtlaia he'ng Certificate hrang hrang - Birth, Death, Tribal, Residential leh Income te dil leh submit turte, veng chhung VCP leh YLA President/Secretary te'n kan mi hriat chiante chauh hriatpuina lehkha pek chhuah ṭhin ni se; kan hriat chian lohte chu hriatpuina lehkha pe chhuak lo turin kan inhriattirin kan inngen e, tih a ni.
Tin, hriatpuina lehkhaah heti ang hian an ziak lang ngei ngei tur a ni :
1) Birth Certificate-ah hian pian ni, thla leh kum hriatpuina a chuang tur a ni.
2) Death Certificate-ah hian an thih ni, thla leh kum a chuang tur a ni.
3) Tribal Certificate-ah hian tribal a ni ngei tih leh an hnam hming dik tak hriatpuinaah a chuang tur a ni.
4) Residential Certificate-ah hian veng/khuaah a cheng/khawsa ngei a ni tih hriatpuina a chuang tur a ni.
5) Income Certificate-ah hian kum khat/thla khata a pawisa lak luh a hriatpuina a chuang tur a ni.
Post a Comment