Lawngtlai, April 26, 2023 : Vawiin khan Lai Autonomous District Council Officers' Association ten kum tina an lo tih thin angin, mi rethei tanpui a, chhawmdawl ngaite chhawmdawlna turin Chief Executive Member's Relief Fund ah ₹. 50,000/- (Singnga) an chhung lut.  

Pu V. Zisanga CEM LADC chuan LADCOA member ten an sum thawhkhawmte an mahni pual atan maia hmang lova, mi rethei leh harsa chhawmdawl ngaite chhawmdawlna tura phal taka an pe chu lawmawm a tih thu sawiin, "LADCOA ten CEM Relief Fund-a sum an chhun luhte chu tangkai taka hman a ni ang a, mi tam tak te tan malsawmna a ni ngei dawn a, LADCOA member zawng zawngte chungah lawmthu ka sawi tak meuh a ni" a ti.

He hunah hian LADCOA aiawhin, Pu B. Lalhnuna, President, Pu Thansiama, Vice President leh Pu H. Rammawizuala ten Pu V. Zirsanga, CEM LADC chu a office chamber-ah tanpuina hi hlanin, inkawmhona an nei nghal bawk.

Post a Comment

Powered by Blogger.