Lawngtlai, April 25, 2023 : Vawiin khan Central YLA Playground, Lawngtlaiah Mizoram State Sports Council -  Pradhan Mantri Jan Vikas Karyakram (PMJVK) Football Tournament chu Pi TT Beikhaizi, Lawngtlai SDO (Sadar) in a hawng.

Hawnna inkhawm tawi hi LDFA Sr. Vice President Pu Elvis Lalthangzuala'n a kaihruai a, LDFA Hon. Secretary Pu Edwin Lalhuliana Hlichhal-in report a pe bawk.

Pi TT Beikhaizi chuan tunlaiah sport discipline hrang hranga hlawhtlinna nei tur chuan a bulthut (Grassroot) atanga tan lak a ngaih thu a sawi a, sorkarin hetiang ruahmanna a duang chhuak hi a tha hle a ni, a ti bawk. Naupangte chu tumruhnate, insumtheihnate, nu leh pa thuawi theihnate nei a hmalam pan zel turin a chah bawk.

Pu Edwin Lalhuliana Hlichhal, Hon. Secretary, LDFA in report a pek danin, Lawngtlai District leh Siaha District-ah hian Tata Trust Football Academy hi 5 awmin Lawngtlaiah hian Chandmary Veng Centre, College Veng Centre leh Chawngte Centre awmin Siaha-ah hian Siaha leh Tipa Centre awmin Lawngtlai hmunah hian Tournament hi khelh a ni. Siaha, Tipa leh Chawngte Centre hian harsatna an neih avangin Tournament hi an khel ve thei lova, Chandmary leh College Veng Centre ten an khel a ni. Tournament hi league a khelh niin, ni hnih chhung khelh tur a ni a, naktukah khelh chhunzawm a ni ang. District champion te hian Aizawl hmunah Final an khel ang.

He tournament-ah hian Pu Lalramengzauva leh Pu F. Ramdinsanga te chu Match Commissioner an ni.

Post a Comment

Powered by Blogger.