March 29, 2023 (Rauthla) : Pu Vanlalhmuaka, BJP Mizoram State President chuan Union Minister Pu Amit Shah chu Aizawlah April 1, 2023 hian a rawn kal dawn thu a sawi.
Vawiina BJP State Office Mipui Runa thu a sawinaah Pu Vanlalhmuaka chuan "India ramin hmasawnna kawng hrang hrang kan zawh mek a, PM Modi kaihhruai Sorkar chuan India ram State zawng zawngah Central hmalakna hnathawh hrang hrang te ruahmanna fel tak siamin hawnna hun leh lungphum phumna hun buatsaih a ni thin a, Mizoramah pawh Central hmalakna hmun hrang hrang hnathawh te hawng turin Pu Amit Shah chu Aptil 1, 2023 hian Mizoramah a lo kal dawn" a ti.
BJP Mizoram State President chuan "Mi thenkhatin Assam Rifles sawn chhuah chungchangah tute emaw nawr avanga chhuak tur anga tih te leh Assam Rifles sawn chhuahna atan a Union Minister rawn kal tur anga sawi awm hi thudik tawk lo leh belhchian dawl lo a ni tih Mizoram mipui te hriatah ka sawi duh a, Mizorama Central Sorkar hmalakna hrang hrangte a tahtawla hawn hna hi thawh thin anih vangin Mizoramah pawh chutiang ruahmanna chu kan lo chang ve a ni tih hi kan hriat atan ka sawi duh a ni" a ti.
Pu Vanlalhmuaka'n Union Minister-in a hawn tur leh lungphum a phum tur Mizorama Central hmalakna hrang hrang a sawite chu hengte hi an ni.
1) Construction of Aizawl By Pass Road Sairang - Phaibawk, Zorinpui - Longmasu NHIDCL kal tlanga hnathawh tur : Crore - 1832.272) Upgradation & Improvement of Road from West Phaileng to Marpara : Core - 71
3) Construction of Warehouse at Aizawl & Bairabi : Crore - 5.44
4) Construction of Integrated Command & Control Centre Under Smart City : Crore -119.2
5) Construction of Lianchhiari Run : Crore-10
6) Construction of Impounding Dam & Development of Recreation Centre at Keilungliah, Champhai : Crore - 19.88
7)Construction of Laldenga Centre : Crore-193.
8) Construction of Assam Rifles Battallion Headquarters Complex Zokhawsang :
(a) Construction of KLP accommodation for Assam Rifles at Zokhawsang : Crore - 145.7
(b) Construction & Restoration of approach Road to Assam Rifles Complex at Zokhawsang : Crore - 11.151
(c) Construction of 2.5 MVA, 33/11 Sub- Station at Assam Rifles Complex Zokhawsang : Crore - 3.675
(d) Construction of Zokhawsang Water Supply Scheme : Crore 2.711
Post a Comment