Tialdawngillung, March 11, 2023 : Lawngtlai District-a Tialdawngilung khua Pu Hc. Rinpianga (56) chu vawiin khan a lo halnaah a kang hlum.
YLA Tialdawngilung Branch YLA President Pu Lawma Sathing hnen atanga thu dawn danin, vawiin hi Tialdawngilung khuaa lo nei te tan lo hal ni a ni a. Pu Hc. Rinpianga pawh hi Tuipui bula a lo hal turin zing dar 9:30 khan a thawk chuak a. Hetia lo a halnaah hian a chesual ta a ni. A chetsual dan hi a la hriat theih loh a ni.
Pu Lawma chuan Pu Hc. Rinpianga chetsual thu hi a thiante hnen atanga an hriat thu an sawi a. Pu Hc. Rinpianga bulah hian mi engzatnge awm tih erawh an hriat loh thu a sawi a. A ruang hi a chetsualnaa awm a thian ten an hlawm thu leh a ruang la tur hian YLA member thahnem tak an kal mek thu a sawi.
Pu Hc. Rinpianga hi LIKBK kohhran rawngbawltu a ni a, a nupui leh a fate pathum nen an khawsa a, a fapa upa ber hi YLA Tialdawngilung Branch Secretary a ni mek bawk.
Pu Hc. Rinpianga ruang hi zanin dar 12 pelh hretah vuiliam a ni ang.
Post a Comment