Rauthla 17.March.2023 : Vawiin khan Dr. HTC Lalrinchhana, Special Judge (Prevention of Corruption) chuan Serchhip Excise Office eirukna thubuaiah a hun laia Superintendent Pu Rongura leh Pu Suakngura, Asst. Account Officer, Treasury Office Serchhip-te thiam loh a chantir.
Serchhip Excise Officer hian 2011 atanga 2017 thleng khan Salary Bill 106-ah staff-te hlawh ngai renga siam tho siin grand total-ah an lo ziah belhtir thin a, dik lo taka bill an siam zawng zawng hi Rs. 1,81,58,871/- a ni a, Evidence atanga alan dan chuan Pu Rongura pawisa tihchingpen hi Rs. 1,73,48,365/- a ni.
Pu Suakngura Asst. Account Officer in awlsam takin a lo pawm sak a, record atanga alan dan chuan Suakngura Account-ah hian Rs 41,000/- transfer sak a ni. Bill siamtu Cashier, Pi. Sainguri Chenkual hian Pu Rongura tihtir niin a sawi a.
A account-ah hian pawisa lut ve tho mahse Pu Rongura hian Office mamawha hman tur pe a a insawi si avangin evidence a awm lo a ngaiin Sawrkar witness-ah tantirin a chhuah zalen ta a ni. Pi Sainguri thusawi hi witness dang pahnih pawhin an sawi ve bawk a ni.
He sumchingpen chungchang hi CAG lam audit atanga hmuh chhuah a ni a, Excise Deptt lam pawhin enquiry te lain an lo finfiah tawh bawk a. March ni 20, 2023 Thawhtanni-ah a hremna (sentence) puan a ni ang.
Post a Comment