March 15, 2023 (Rauthla) : Vawiina Mizoram sorkar thuchhuaha tarlan a nih danin, Pu R. Lalzirliana chu a enkawl lai District Council & Minority Affairs department minister atangin chawlh tir a ni a, DC&MA chang tur thar atan Pu Robert Romawia Royte ruat a ni.
Tihian Pu R. Lalzirliana hian Power & Electricity department, Art & Culture department leh Land Resources, Soil & Water Conservation department te a enkawl chhunzawm ang a, Pu Robert Romawia Royte hian District Council & Minority Affairs department bakah Sports & Youth Services department, Tourisim department, Information & Communication Technology department te a enkawl chhunzawm ang.
February 23, 2023 a Mizoram Assembly Budget Session-a District Council & Minority Affairs changtu Minister Pu R. Lalzirliana’n Autonomous District Council Area-a chengte rilru tina zawnga thu a sawi chungchangah February 28, 2023 khan Lawngtlaia NGO lian pathumte; CYLA, LSA, LWA leh ADC mipuite nawrna avangin Assembly Session-ah ngaihdam a dil a. Hetah hian Pu R. Lalzirliana chuan District Council & Minority Affairs department enkawl turin chak zawkte an duh angin pek theih a nih chuan ka lawm ngawt ang a, dilnate pawh ka thehlut nghal nise a tha ang, a ti.
Post a Comment