Khuallian Pu Robert Romawia Royte chuan mobile app siamchhuahna kawnga hmalatute chu fakawm a tih thu sawiin, ‘Thenzawl calling' app chuan state khawpui tan chang nilo, Mizorama thingtlangte tan thlengin hmasawnna nasa tak a thlen ngei a rin leh a beisei thu a sawi a. A tangkaina leh thatna chu thuah-hnih a nih thu sawiin Mizoram chu khawvel mite mithmuha phochhuahna remchang anih rualin sumdawngte tan hlawkna leh hmasawnna ropui tak a thlen thei dawn a ni, a ti bawk.
Khawvelah hnam hrang hrangin an hnam ziarang leh kalphung te, an ram te thlengin hleihluak taka sumdawnna vangin an chan nasa tawh a, Mizoram chu chutiang laka chhan leh humhalh chu 'The Mizoram Responsible Tourism Policy' thiltum pawimawh tak a nih thu a sawi a, ram leilung neitu te humhalh a, eizawnna tlak zawk an neih theih nana puih chu Tourism Department thiltum pawimawh tak a nih thu a sawi. Pu Robert Romawia Royte chuan Mizoram mipuite chu 'Thenzawl calling' app chu hmang tangkai tura sawmin, zin mite tan Mizoram chu ram nuam a siam theuh turin kalkhawmte a chah a ni.
Pu Pankaj Manchanda, Tech Start Software Solutions Pvt. Ltd hnen atangin report leh app chungchang ngaihthlak hona neih a ni a. Pi Nazuk Kumar, DC Serchhip pawhin thu a sawi bawk a, Pu V Lalengmawia, Joint Secretary Tourism Department in lawmthu sawiin hun tihtawp ani.
Thenzawl Calling app hi Google Playstore leh Apple App Store atangin a download theih a. Khualzinmi ten 'Virtual Reality (VR)' hmangin Thenzawl khuaa hmunhma hrang hrangte an chhim thei dawn a ni.
Post a Comment