Lawngtlai, March 01, 2023 : MNF Dist. Hqrs. Lawngtlai chuan "Nimina Pu R. Lalzirliana, Hon'ble Minister, District Council & Minority Affairs changtu-in ni 23.02.2023 a Mizoram Assembly Budget Session-a ADC Area-a mipuite rilru alo hliam palhna leh rilru tihnatnaa puitling rilru pu tak chunga Pathian ringtu a nihna hre renga ngaihdam a dil hi a ropui kan ti tak zet a ni" an ti.
Vawiina thuchhuah an siamah, "kan Minister zahawm tak Pu R. Lalzirliana'n, "DC&MA chungchang kan sawi lai khan, tawngkam inkawkalh neuh neuh te a awm avangin chhim lama kan unaute rilru tina zawng turin tawngkam te ka lo hmang a, kha tawngkam ka lo hman kha kei pawhin ka han ennawn lehin ka inthiam lo em em a, pawi ka tih tak zet a ni, tiin Assembly Budget Session ah Statement felfai tak mai a siam kha a puitling hle a ni" an ti bawk.
MNF Dist. Hqrs. Lawngtlai chuan chuan Pu R. Lalzirliana a ngaihdam dilna chu a patlingin ram hruaitu a nihzia a tilang chiang hle a an ngaih thu an sawi a. "Kan Minister zahawm tak Pu R. Lalzirliana hi kan chhuang takzet a, a kal leh zelna turah duhsakna sangber kan hlan a ni" an ti.
Post a Comment