Lawngtlai, March 01, 2023 : Lawngtlai West bialtu MLA Pu C. Ngunlianchunga chuan State Sorkarin Autonomous District Council te a ngaihthah hle a ni, a ti.
Mizoram Assembly budget session neih zawh taka tel Pu C. Ngunlianchunga, MLA chuan vawiin khan Lawngtlai lo lutin, Helipad, Lawngtlaiah Lai District Congress Committee hruaitute leh an Party miten an lo hmuak. Vawiina Lai DCC Office Lawngtlai Bazara inkhawm buatsaihah Pu C. Ngunlianchunga chuan, Budget-ah Autonomous District Council te tan Salary leh Non salary indaih lo tur sa in kum 2021 atang khan tihpun awm hauh lova a dah thin chuan ADC te hmakhua a thlirpuiloh zia a langchiang a ni, a ti a, State Sorkar chu ADC ten dinhmun sang zawk an chuankaina kawngdaltuah a puh bawk.
Lawngtlai Wast bialtu MLA chuan, Assembly Budget Session-ah District Council & Minority Affairs Minister-in Autonomous District Council te tan paidaih harsa thu a sawi chu mipui rilru a nat em vangin ngaihdam dil lo thei lo dinhmunah a ding a, mipui ten Minister hi ngaidam ila, an rilru chhungril tak a rawn sawichhuahna a ni tih erawh i hre reng ang u, a ti.
Post a Comment