BCM Biak In, Immanuel Lawngtlai New Vengpui leh GRHSS inkar kawng sira lirthei dah khapna leh hemi kawnga lirthei tlan dan tur

Lawngtlai, 22.03.2023: Vawiin khan Superintendent of Police, Lawngtlai District chuan Govt. of Mizoram Notification No. B. 12021/10/2004-TRP, Dt. 01.06.2020 leh The Motor Vehicles Act 1988 (Act No. 59 of 1988) Section 115 tlawh chhanin BCM Biak In, Immanuel Lawngtlai New Vengpui leh GRHSS inkar kawng sira lirthei dah khapna leh hemi kawnga lirthei tlan dan tur chungchang thupek heti ang hian a chhuah:

"School naupang leh mipui veivak kan him tlan nan leh motor tlan dan a mumal zawk theih nan Immanuel Biak In (B.C.M) Lawngtlai, New Vengpui leh G.R.H.S.S inkar kawngah hian zing dar 8:30 a.m. - 10:00 a.m. inkar chhungin lirthei eng chi mah kawng sirah dah phal a ni lo. Tin, Bazar lam aṭanga Don Bosco School naupang lirthei hmanga thlah ṭhinte'n Tawklinga Point, New Vengpui hi dropping point-ah hmangin Don Bosco School naupangte chu an drop ṭhin ang a. Vengpui lam aṭanga thlahtute pawhin Karkawn hi dropping point atana hmangin naupangte an drop ṭhin ang.

"He thupek hian he order chhuah aṭanga thu leh awm hma chu a huam ang. He thupek zawm lote chu section 179, The Motor Vehicles Act, 1988 hmanga hrem theih an ni ang.

"He thupek hian chhiatrupna thil, kangmei leh medical emergency kaihhnawiha duty, dan leh thupek pawimawh bika Police leh Magistrate duty-te chet velna a huam lo ang."