Lawngtlai, Nohawng 20, 2023 : Vawiin khan Bualpui NG, Lawngtlai District-ah Pu F. Zahleia (L) chhungkua te'n an Pa hriatrengna atana an sak YLA Bualpui NG Sub-HQ Office - F. Zahleia Rûn chu Central YLA President Pu HC. Vanlalruatpuia'n a hawng.
YLA Bualpui NG Sub-HQ Office - F. Zahleia Rûn hawnna programme hi YLA Bualpui NG Sub-HQ President Pu H. Hmunliana'n kaihruaiin Central YLA General Secretary Pu Joseph Lalhmingthanga Chinzah pawhin thutawi sawiin Central YLA Fin. Secretary Pu T. Rohlupuia leh Adviser Pu Thathluna Chinzah te'n Central YLA hmingin thilpek an hlan bawk.
Sub-HQ Office hawnna programme-ah hian Sub-HQ Office sa tu Pu F. Zahleia fanu Pi Laldawmdingi w/o Pu C. Hmingthantluanga (TT Construction) in thutawi a sawi a, Sub-HQ Secretary Pu Lalzidinga Chinzah in report pe in Sub-HQ Office sak saktu chhungkua te hnenah lawmthu sawina thilpek an pe bawk.
Sub-HQ Office hawnna programme-ah hian zaithiam hrang hrang zai bakah hnam lam hmuhnawm tak tak thlirho a ni a, tlailamah Sub-HQ Office thar lawmna chawhlui an kilho bawk a ni.
Sub-HQ Office hawnna programme-ah hian _Central YLA O.B leh CEC member-te bakah Pu F. Zahleia (L) chhungkua te, Bualpui NG Sub-HQ huamchhunga Branch YLA hrang hrang hruaitute leh Bualpui NG a kohhran, Village Council, tlawmngai pawl hrang hruaitute leh Sawrkar lam hotute sàwm an nih angin an tel bawk.
Post a Comment