Lawngtlai 20.02.2023 : Vawiin khan Serlui bialtu MLA Pu Lalrinsanga Ralte, Vice Chairman, Rubber & Allied Crops Development Board nibawk chuan Bilkhawthlir North VC Futsal Ground siam thar chu a hawng. Bilkhawthlir North VC Futsal Ground hi  15th Finance Commission hnuaia grant an hmuh atangin an siam a. Field-a phah tur Artificial Turf chu Bialtu MLA in a Fund atangin a phah sak a ni. Futsal Ground siamnan VC te hian Rs. 900520 (Nuai kua zanga sawmhnih) hmangin Chowkider qtrs leh LED light dah tel a ni bawk. 

Pu Lalrinsanga Ralte chuan Bilkhawthlir North VC Futsal Ground siam puitlin a ni thei ta chu lawmawm a tih thu sawiin Bilkhawthlir thalaite tana infiamna kawnga hmasawnna leh hriselna thlentu hmanraw țangkai a nih theihna turin duhsakna a hlan a, Futsal Ground chu a theih ang anga tih changtlung zel tum a nih thu sawiin neitu thinlung pu a duat leh dim tak a enkawl turin kalkhawm te a chah a. Bialtu MLA chuan Covid hripui leng leh ramri buai karah Bilkhawthlir khuaa sorkar hmalakna hrang hrang te sawiin Basketball Court siam mek a nih thu te, PHC Building thar sak a nih thu leh X-Ray khawl thar leh a dahna tur Building thar sak a nih thu sawiin Keicham ah Current pawh luh a nih thu te, khawchhung kawng hmun hrang hrangah PCC Flooring siam a nih thu leh Bilkhawthlir Second Lane chu PCC Flooring bakah retaining wall leh culvert te siam a chei thar vek a nih thu a sawi a.

Futsal Ground a hawn hnu in Bialtu MLA Pu Lalrinsanga Ralte chuan Bilkhawthlir-a sorkar hmalakna PWD IB leh Eklavya Residential Model School te chu tlawhin an hnathawh dan te a enpuia. An hnathawh dan a hmuhin lawmawm a tih thu sawi a, an hna thawhna kawngah harsatna an nei a nih chuan khawtlang hruaitute kaltlangin amah hrilh hre thin tura chahin hna tha taka thawk zel turin a chah a. Elakvya Residential Model School ah hian Building lian tak tak 11 a awm a, School Buiding tur 1, Mipa Hostel tur 1 leh Hmeichhe Hoster tur 1, Teaching leh Non-Teaching Staff Qrts tur 5 bakah Principal Qrts, Guess House leh Dining Hall tur pakhat theuh sak a niin PWD IB ah hian IB Building 1 leh Chowkider qtrs 1 sak a ni bawk. 

Bialtu MLA hi Pu Timothy R. Lalhmangaiha, BDO, Bilkhawthlir bakah Bilkhawthlir Jt. VC te leh MNF Serlui South Block hruaitute'n an tawiawm a ni.

Post a Comment

Powered by Blogger.