Aizawl 06.02.2023 : Vawiin 6th February 2023 Monday hian Karthar inhlanna chu BJP State Office Upper Republic, Atal Bhawan Mipui Run ahneih niin, Pu Lallianzela BJP Aizawl District President in inkhawm akaihruai a, Pu Lalchungnunga State Kisan Morcha Vice President in Hunserh a hmangin, Party hminga fehchhuah report hrang hrang ngaihthlak a nih hnuah Pu Vanlalhmuaka State President in thusawina hun a nei a ni.

Pu Vanlalhmuaka chuan MNF in 23rd January, 2023 a MNF President leh  Chief Ministry Pu Zoramthanga kaihhruaina hnuaia, MNF Legislature Party thukhawm in, Uniform Civil Code (UCC) thil awm lo leh do ngai rih miahlo, do a, Assembly Budget Session lo awm tura UCC dodalna put luh an tum chu mipui ngaihdan hruaikawi tumna leh fuihpawrh tumna mai niin, thudik leh thubelh chian dawl lo vawrh darh a, Mizoram mipui hnena an intiamna an tih theih si loh laka inphenna tumna mai a ni a ti. Vawiin a MNF ten an thil do tum hi thil awm rih lo leh do ngai miah lo a ni a, UCC buaipui lova, Mizoram mipuite hma a, an intiamna zawk, chhungtin tan Cheng nuai 3 kan sem dawn a tih te, Kum hnih chhunga Aizawl khawpui Traffic Jam awm lohna khawpui a siam te, Aizawl khawpui kawng chhawng siam a intiam te, Vai buhfai ring lova Buh leh bala intodelh a sawi te, Assam Rifle Zokhawsanga sawn chhuah a tum te, Assam - Mizoram State ramri buai chungchang ah te hian kan Chief Minister Pu Zoramthanga hian ngaihtuahna seng zawk turin ke ngen zawk a ni a ti.

Pu Vanlalhmuaka chuan UCC chungchanga MNF Party President Pu Zoramthanga kaihhruai Committee pawimawh takin UCC chu Central Sorkarin  Parliament ah pass mai tura an ngaih avanga an Party chuan a tawp thlenga an do tur thu an puan chu thil tak tak lo, dawt a ni tih Parliament a kan MP zahawm tak Pu K.Vanlalvena zawhna Pu Kiran Rijiju, Cabinet Minister of Law and Justice in the Government of India in a chhanna chuan a tichiang hle a; MNF Party, Pu Zoramthanga kaihhruai mawng hlimna mai a ni a ti.

Pu Hmuaka chuan Union Budget 2023-2024 chungchang sawiin, India ram mi chin tin thleng phak leh chhawr  theih tur BJP sorkar, Pu Modia kaihhruai in an buatsaih leh ta chu a lawmawm hle a, Mizoram State sorkar pawhin he Union Budget, kan thal theih tura an Budget dah hi Mizoram mipuiten kan chhawr theih ngei turin kan Chief Minister leh Finance changtu ni bawk hian hma la rawh se tih hi BJP Mizoram Pradesh chuan kan phut tlat a ni a ti bawk.

Pu Hmuaka chuan Kum 2023 MLA General Election lo awm turah kan sorkar ngei dawn tih sawi chiang thei awm chhun chu BJP- Mizoram Pradesh chauh hi kan ni a ti bawk.

Post a Comment

Powered by Blogger.