Congress party ten Government Budget zirhona Congress Bhavan-ah

Aizawl 06.February,2023 : Vawiin khan Mizoram Pradesh Congress Committee chuan Assembly Budget Session neih tur atan inbuatsaihna an kalpui a. Budget session-a an thusawi te an hriatthiam theih nan Government Budget zirhona Congress Bhavan-ah an buatsaih a. Dr. James LT Thanga, Associate Proffessor, Department of Economics, MZU chu resource person atan an sawm a ni.

Dr. James LT Thanga chuan Party mite zawhna chhangin, “COVID hripui hunlaia Mizoram pawisa dawn tur anga sawi kan hmuh loh zawng zawng hi hmu mah ila kan hman theih vek a nih loh thu a sawi a. A hman theihna erawh thlan bik awmin, duh ang anga Mizoram sorkarin a lo hman ngawt theih a ni lo a, hmu tam eng ang mah ila hman vek theih loh a nih avangin kan hloh anga sawi tûr a nih loh thu” a sawi bawk.

Pu James-a chuan Budget zirhona hunah hian Mizoram Finance chungchanga hriattur pawimawh tak tak a sawi a; Revenue Deficit leh Fiscal Deficit a sân tawh chuan Treasury khar ngam mai pawh a Kristian zia zawk thu a sawi bawk a ni. Mipuite'n chîk zawka Mizoram Budget kan lo zirchian ve a, hma kan sawn zel dan tûr ngaihtuah ve turin a chah bawk a ni.

He hun hi Pu Lalremsanga, Secretary MPCC in kaihruaiin, Pu Lalsawta, President MPCC in lawmthu a sawi bawk a ni.