MZP bul tuma Aizawl-a hnamdang dan loa awm man chhuahte, an chungah hremna lekkawh ngei turin thuneitute kan phût. - PC Thalai Gen.Hqrs.

Aizawl 06.02.2023 :February ni 4, 2023 (Inrinni)-a Mizo Zirlai Pawl(MZP) bul tuma Aizawla hnamdang dan loa sumdawngte, ILP nei lo leh ILP thi tawh mi engemawzat man chhuah, sawrkar thuneitute kuta hlan tawhte, dan in a phût ang ngei a an chungah rorelna kengkawh ngei turin PC Thalaite'n Mawhphurhna latute kan phût a ni, an ti

Mizoram hmun hrang hranga dan loa hnamdang khawsate dap chhuah rúnpui nei tura PC Party in thuneitute kan lo ngen fo tawh thinna te'n beisei a phàk loh laia, MZP, Aizawl-a College hrang hranga S.U. hruaitute leh hnam pawl hruaitute'n ram leh hnam hmakhaw ngaia Aizawl-a dan loa hnamdang khawsate dapchhuah hna thahnemngai taka an thawk hi PC Thalaite chuan fakawm kan tiin kan chhuang takzet a ni, an ti bawk

Tunah Online portal hmanga ILP Permit dil theih anih tawh chin ah phei chuan ILP pekchhuah leh a vil zui kawng ah dan diktak a kal a, awlsamna a siam tawh dawn bawk avangin hnamdang ILP neilo leh an ILP thi tawh te la châmbang chhunzawm an awm tawh loh ngei kan beisei tlat a ni. Mizote khawsakna leh eizawnna atana hnawksak leh buaipui tham hnamdang dan loa sumdawng mèkte leh lo pungzel turte dan chahna kawnga theihtawp chhuah takzet turin PC Thalaite chuan Mizoram sawrkar an ngen a ni.